ՇՀԿ-ն Ղրղզստանում անցկացված բարեփոխումը համարել է թափանցիկ և օրինական
Ղրղզստանում սահմանադրական բարեփոխումն անցկացվել է թափանցիկ եւ օրինական: Այդ մասին հայտարարել է Շանհայի համագործակցության կազմակերպության (ՇՀԿ) դիտորդական առաքելության ղեկավար, ՇՀԿ-ի գլխավոր քարտուղարի տեղակալ Չժան Հայչժոուն:
«Հանրաքվեն կայացել է բացահայտության եւ թափանցիկության մթնոլորտում, քաղաքացիական հասարակության ներկայացուցիչների ակտիվ մասնակցությամբ… Օրինագծի հանրաքվեն անցկացվել է օրենսդրությանը եւ Ղրղզստանի Հանրապետության կողմից ընդունված միջազգային օրենսդրությանը համապատասխան»,-հայտարարել է Հայչժոուն:
Նա նշել է նաեւ, որ «առաքելության հասցեին բողոքներ եւ նկատողություններ չեն ստացվել», հաղորդել է ՌԻԱ Նովոստին:
