2020 թվականին Renault-ի եկամուտները նվազել են՝ ընկերության համար ռեկորդային 8 մլրդ եվրոյով
Ֆրանսիայի Renault ավտոարտադրողը 2020 թվականին 8 միլիարդ եվրոյի չափով ֆինանսական վնաս է կրել: Դա ընկերության ամենախոշոր ֆինանսական կորուստն է իր գոյության ընթացքում: Այդ մասին կորպորացիան հայտնել է փետրվարի 19-ին: Հայտարարության մեջ նշված է, որ Renault-ին երկրորդ կիսամյակում հաջողվել է փոքր-ինչ նվազեցնել ֆինանսական կորուստենրը, որոնց պատճառը կորոնավիրուսի համավարակի հետ կապված իրավիճակն է: Այդ շրջանում շրջանառու կապիտալը նվազել է 8,9 տոկոսով, իսկ զուտ կորուստները կազմել են 660 միլիոն երվո:
Միեւնույն ժամանակ ընկերությունը նշում է, որ տարեկան մասշտաբով իր ավտոմեքենաների վաճառքները նփազել են 21,3 տոկոսով: Այլ բացասական գործոն են դարձել ճապոնական գործընկերոջ՝ Nissan ընկերության ցածր ֆինանսական ցուցանիշները: Հայտարարության մեջ բերված է Renault-ի գլխավոր տնօրեն Լյուկ դը Մեոյի խոսքը, որը հավաստել է, որ կորպորացիայի համար գերակա են մնում այն նպատակները, որոնք որոշված են հունվարին ներկայացված ծրագրում. եկամուների բարձրացում յուրաքանչյուր մեքենայի վաճառքից եւ դրամական զանգվածի կուտակում»: Հայտարարությռան մեջ հայտնվում է, որ Renault-ին հաջողվել է արդեն ստեղծել կանխիկ դրամի պաշարներ 16,4 միլիարդ եվրոյի չափով, որից 4 միլիարդ եվրոն պետության կողմից երաշխավորված վարկեր են, հաղորդել է ՏԱՍՍ-ը:
