«Նապոլի»-ն գավաթի խաղարկության կիսաեզրափակիչում է
Իտալիայի ֆուտբոլի գավաթի խաղարկության քառորդ եզրափակիչում «Նապոլի»-ն մրցեց «Սպեցիա»-ի հետ:
Նեապոլիտանական քաղաքի թիմն առավելության հասավ 4:2 հաշվով: «Սպեցիա»-ի գոլերը խփեցին Էմանուել Գյասին և Ջենարո Ակամպորան, իսկ «Նեապոլ»-ինը` Կալիդու Կուլիբալին, Իրվին Լոսանոն, Մատեո Պոլիտանոն և Էլիֆ Էլմասը:
«Նապոլի»-ն գավաթի խաղարկության կիսաեզրափակիչում է:
Ավելի վաղ Իտալիայի գավաթի խաղարկության կիսաեզրափակչի ուղեգիր էին նվաճել «Յուվենտուս»-ը, «Ատալանտա»-ն և «Ինտեր»-ը:
