ԵԽԽՎ կոմիտեն խորհուրդ է տվել հաստատել ռուսական պատվիրակության լիազորությունները
Եվրախորհրդի Խորհրդարանական վեհաժողովի մոնիտորինգի հանձնաժողովը խորհուրդ է տվել ամբողջությամբ հաստատել ԵԽԽՎ-ում Ռուսաստանի պատվիրակության լիազորությունները: Ինչպես փոխանցում է «Ռիա-նովոստի»-ն, այդ մասին նշել է Պետդումայի միջազգային հարցերով կոմիտեի ղեկավար, պատվիրակության անդամ Լեոնիդ Սլուցկին:
«Ուկրաինական պատվիրակության ոչ մի ուղղում աջակցություն չի ստացել: ԵԽԽՎ հետագա կառուցողական մոտեցման հույս ունենք»,- ասել է նա:
Նիստի առաջին օրը ուկրաինական պատվիրակության ղեկավար Մարիա Մեզենցեւան առաջարկեց վիճարկել ռուսական պատվիրակության լիազորությունները: Դրանից հետո, ըստ կանոնադրության, կազմակերպվել է քվեարկություն: Առաջարկին աջակցություն է հայտնել 38 խորհրդարանական՝ 5 տարբեր ազգային պատվիրակություններից:
Մեկնաբանելով ուկրաինական կողմի գործողությունները՝ Սլուցկին ասել է, որ եթե Վեհաժողովը լիովին չհաստատի ռուս խորհրդարանականների իրավունքները, նրանք կհեռանան Ստրասբուրգից և չեն մասնակցի նստաշրջանին:
