ՄՕԿ-ը Օլիմպիական խաղերը Տոկիոյից չի տեղափոխի Ֆլորիդա
Միջազգային օլիմպիական կոմիտեն չի պատրաստվում է 32-րդ ամառային Օլիմպիական խաղերը Տոկիոյից Ֆլորիդա տեղափոխել: Այս մասին հայտնում է ՄՕԿ-ի մամուլի ծառայությունը: Ըստ ամերիկյան ABC հեռուստաընկերության, Ֆլորիդա նահագնի ֆինանսական գծով ղեկավարը նամակով դիմել էր ՄՕԿ-ին Օլիմպիական խաղերը այդ նահանգում անցկացնելու առաջարկով: ՄՕԿ-ի մամուլի ծառայությունը հերքում է նման նամակի առկայության փաստը:
2020 թվականի մարտի 24-ին հայտնի դարձավ, որ Տոկիոյի 32-րդ ամառային Օլիմպիական խաղերը հետաձգվել են: Օլիմպիական խաղերը կպահպանեն իրենց անվանումը` Տոկիո-2020: Դրանք կմեկնարկեն 2021 թվականիհուլիսի 23-ին և կեզրափակվեն օգոստոսի 8-ին:
Ժամանակակից Օլիմպիական խաղերը հիմնադրվել են 1896 թվականին ֆրանսիացի Պիեռ դե Կուբերտենի կողմից: Առաջին ժամանակակից Օլիմպիական խաղերը կայացել են Աթենքում նույն 1896 թվականին: Օլիմպիական խաղերի պատմության մեջ միայն համաշխարհային պատերազմների պատճառով չեղարկվել են երեք խաղեր` 1916 թվականին Բեռլինում, 1940 թվականին՝ Տոկիոյում և 1944 թվականին՝ Լոնդոնում: Օլիմպիական խաղերն ամենաշատը հյուրընկալել է Լոնդոնը (1908, 1948, 2012):
