Փեսայի փախուստը` հարսանիքի նախօրեին․ հարսնացուն ամուսնացավ հյուրերից մեկի հետ
Հնդկաստանի Կառնատակա նահանգում փեսացուն փախուստի է դիմել, ուստի հարսնացուն հենց հարսանիքի օրն ամուսնացել է հյուրերից մեկի հետ։ Այդ մասին գրում է Bangalore Mirror- ը:
Պարզվել է՝ փեսացուն հարաբերությունների մեջ է եղել մեկ այլ կնոջ հետ, որը սպառնացել է գալ հարսանեկան տոնակատարությանն ու փչացնել այն:
Այդ իսկ պատճառով տղամարդը որոշել է հրաժարվել հարսանիքից և նախորդ օրը փախել է: Հուսահատված հարսնացուն ու նրա ընտանիքի անդամները, սակայն, որոշել են հյուրերի մեջ հարմար փեսացու փնտրել։ Այդպիսով՝ հյուրերի շարքում գտել են հարմար փեսացուի, ով համաձայնել է ամուսնանալ աղջկա հետ ու զույգն ամուսնացել է հենց նշանակված հարսանիքի օրը։
