Փարիզում մոտ 300 ներգաղթյալ «գրավել» է մանկապարտեզի շենքը
Փարիզում շուրջ 300 ներգաղթյալներ «գրավել» են մայրաքաղաքի 16-րդ շրջանի նախկին մանկապարտեզի շենքը: Նրանք իշխանություններից պահանջում են կորոնավիրուսից ու ցրտից պատսպարվելու համար ապաստաններ տրամադրել։Լ Այս մասին գրում է belta.by-ը։
ԶԼՄ–ների փոխանցմամբ՝ ներգաղթյալները լքված շենքը «գրավել» են ոչ թե այնտեղ մնալու, այլ իրենց վրա ուշադրություն հրավիրելու նպատակով: Նրանցից շատերը Հանրապետության հրապարակում ոստիկանության կողմից ապամոնտաժված վրանային ճամբարի նախկին բնակիչներն են, որոնց ոստիկանները հեռացրել էին:
Ի պատասխան ցուցարարների պահանջների՝ Փարիզի փոխքաղաքապետը, որը պատասխանատու է ներգաղթի և ժամանակավոր տեղավորման հարցերի համար, խոստացել է գիշերելու համար նրանց տեղ հատկացնել դպրոցական երկու դահլիճներում, քանի որ, ըստ նրանց, լքված մանկապարտեզը չի ջեռուցվում և, ընդհանուր առմամբ, վտանգավոր շենք է։
