Եվրոպայի Մ-17 առաջնության ընտրական փուլի հանդիպումները կանցկացվեն Բելառուսում
Եվրոպայի Մ-17 2021/2022 առաջնության ընտրական փուլի 13-րդ խմբի հանդիպումները կանցկացվեն Բելառուսում: Այս մասին հայտնում է ՀՖՖ-ն: ՈՒԵՖԱ Մ-17 Եվրոպայի 2021/2022 առաջնության ընտրական փուլում Հայաստանի Մ-17 հավաքականն ընդգրկված է 13-րդ խմբում, որտեղ մրցելու է Անգլիայի, Սլովակիայի և Բելառուսի հավաքականների հետ։ Որոշվել է, որ 13-րդ խմբի հանդիպումները կանցկացվեն Բելառուսում՝ հոկտեմբերի 15-ից 23-ը։
Ակադեմիա-04 թիմը, որի ֆուտբոլիստները կազմում են Հայաստանի Մ-17 հավաքականի կորիզը, վերսկսել է մարզումները ֆուտբոլի ակադեմիայում:
