Դիլիջանի ոստիկանները թեփի պարկերով քողարկված ապօրինի փայտանյութ են հայտնաբերել
Հունվարի 19-ին բնապահպանական ոլորտի իրավախախտումներ հայտնաբերելու և կանխարգելելու նպատակով ոստիկանության Դիլիջանի բաժնի ծառայողները Դիլիջանի ոլորանների անշարժ պահակետում ստուգել են Իջևան քաղաքի 41-ամյա մի բնակչի փայտանյութով բեռնված «Զիլ» մակնիշի մեքենան:
Վառելափայտը քողարկված էր թեփի պարկերով: Վարորդը փայտանյութի օրինականությունը վկայող որևէ փաստաթուղթ չի ներկայացրել։
Բեռնատարը, փայտանյութով հանդերձ, տեղափոխվել է բաժնի հատուկ պահպանվող տարածք:
Նշանակվել է մասնագիտական ստուգում։
Փաստի առթիվ նախապատրաստվում են նյութեր:
