«Մանչեսթեր Յունայթեդ»-ը «Ֆուլհեմ»-ին հաղթելուց հետո Պրեմիեր լիգայի առաջատարն է
Անգլիայի ֆուտբոլի առաջնության հերթական տուրում «Մանչեսթեր Յունայթեդ»-ը հյուրընկալվել էր «Ֆուլհեմ»-ին: «Կարմիր սատանաները» առավելության հասան մրցակցի նկատմամբ 1:2 հաշվով: «Մանչեսթեր Յունայթեդ»-ից աչքի ընկան Էդիսոն Կավանին և Պոլ Պոգբան: «Ֆուլհեմ»-ի միակ գնդակը խփեց Լուկմանը: «Ֆուլհեմ»- «Մանչեսթեր Յունայթեդ»` 1:2:
Այս հաղթանակից հետո «Մանչեսթեր Յունայթեդ»-ը կրկին գլխավորում է Պրեմիեր լիգայի մրցաշարային աղյուսակը և ունի 40 միավոր: 38-ական միավոր ունեն «Լեսթեր»-ը և «Մանչեսթեր Սիթի»-ն: «Ֆուլհեմ»-ը 18-րդն է 12 միավորով:
