«Թրամփը մահացել է, նրա քաղաքական կյանքն ավարտվել է». Հասան Ռոուհանի
ԱՄՆ-ի հեռացող նախագահ Դոնալդ Թրամփը «մահացել է» որպես քաղաքական գործիչ: Այդ մասին հայտարարել է Իրանի նախագահ Հասան Ռոուհանին: «Թրամփը մահացել է, նրա քաղաքական կյանքն ավարտվել է»,-կառավարության նիստում ասել է Ռոուհանին՝ Թրամփին համարելով «բռնակալ», իսկ նրա հեռանալը՝ «աստծո ողորմածություն»:
Թրամփը Ջո Բայդենին պարտվել է նախագահական ընտրությունների արդյունքներով, որոնք անցկացվել են նոյեմբերին: Բայդենի պաշտոնակալությունը կկայանա հունվարի 20-ին, հաղորդել է ՌԻԱ Նովոստին:
