Արմեն Սարգսյանն առաջիկա օրերին դուրս կգրվի բուժհաստատությունից
Հանրապետության նախագահ Արմեն Սարգսյանն առաջիկա օրերին դուրս կգրվի բուժհաստատությունից: Այս մասին տեղեկացնում է ՀՀ նախագահի խորհրդական Գևորգ Մելիքյանը։
Նախագահը բուժումը կշարունակի տնային պայմաններում՝ բժիշկների հսկողության տակ: Նրան ցուցված է անկողնային ռեժիմ։
Ապաքինվելուց հետո և բժիշկների համապատասխան թույլտվությունն ստանալուն պես Հանրապետության նախագահը կվերադառնա Հայաստան, մինչ այդ կշարունակի աշխատել հեռավար։
