Սարատովկա գյուղի մոտակա դաշտերում այրվել է մոտ 60 հա խոտածածկույթ
Հունվարի 14-ին, ժամը 01:23-ին Լոռու մարզային ճգնաժամային կառավարման կենտրոն ահազանգ է ստացվել, որ հրդեհ է բռնկվել Սարատովկա գյուղի մոտակա դաշտերում:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատներից երկու մարտական հաշվարկ։
Պարզվել է, որ հրդեհը բռնկվել է «Շագալի» կոչվող հանդամասում։
Հրդեհը մեկուսացվել է ժամը 03։30-ին, մարվել՝ 04։45-ին: Այրվել է մոտ 60 հա խոտածածկույթ:
