«Քրեական գործերը քննվելու են ՀՀ, թե՞ Ադրբեջանի իրավապահ մարմինների կողմից»․ Բաց նամակ ՀՀ գլխավոր դատախազին, ՀՀ քննչական գլխավոր վարչության պետին
Վահան Հովհաննիսյանը ֆեյսբուքյան իր էջում գրել է. «Բաց նամակ՝ ՀՀ գլխավոր դատախազին, ՀՀ քննչական գլխավոր վարչության պետին:
ՀՀ քրեական օրենսգրքի 14-րդ հոդվածի 1-ին մասի համաձայն . ,,Հայաստանի Հանրապետության տարածքում հանցանք կատարած անձը ենթակա է պատասխանատվության Հայաստանի Հանրապետության քրեական օրենսգրքով:
Ելնելով վերոգրյալից, խնդրում եմ հայտնել.
1. Ադրբեջանի վերահսկողությանը անցած ՀՀ Սյունիքի մարզի համայնքներում և ճանապարհներում ՀՀ քաղաքացիների նկատմամբ հանցագործությունների կատարման դեպքում, ՀՀ-ում քրեական գործեր հարուցվելու են արդյոք և եթե այո, ապա իրավական ինչ հիմքով:
2. Ադրբեջանի վերահսկողությանը անցած ՀՀ Սյունիքի մարզի համայնքներում և ճանապարհներում ՀՀ քաղաքացիների նկատմամբ հանցագործությունների կատարման դեպքում, քրեական գործերը քննվելու են ՀՀ, թե Ադրբեջանի իրավապահ մարմինների կողմից:
3. Ադրբեջանում նման քրեական գործեր հարուցվելու և քննվելու դեպքում, տուժող ճանաչված ՀՀ քաղաքացիները ինչպես են մասնակցելու քրեական գործերի քննությանը:
Նամակն ուղարկվելու է նաև գրավոր»:
‼Բաց նամակ՝ ՀՀ գլխավոր դատախազին, ՀՀ քննչական գլխավոր վարչության պետին:
ՀՀ քրեական օրենսգրքի 14-րդ հոդվածի 1-ին մասի…Posted by Vahan Hovhannisyan on 2021 թ. հունվարի 7, հինգշաբթի
