Դատապարտում ենք ընդդիմությանը լռեցնելու վայրագ փորձերը և պահանջում անհապաղ բացահայտել այս հանցագործությունը․ «Հայրենիք» կուսակցությունը՝ Բաբկեն Հարությունյանի ավտոմեքենան վնասելու մասին
«Հայրենիք» կուսակցությունը հայտարարություն է տարածել, որով պահանջում է Ոստիկանությունից անհապաղ բացահայտել կուսակցության անդամ Բաբկեն Հարությունյանի ավտոմեքենան վնասելու դեպքը։ Հայտարարությունում ասվում է․
«Այս գիշեր հրոսակները վնասել են «Հայրենիք» կուսակցության անդամ Բաբկեն Հարությունյանի ավտոմեքենան։
«Հայրենիք»-ը դատապարտում է ընդդիմությանը լռեցնելու վայրագ փորձերը՝ այս միջադեպը համարելով քաղաքական հետապնդման դրսևորման մի տեսակ։
«Հայրենիք» կուսակցությունը պահանջում է ոստիկանությունից անհապաղ բացահայտել այս հանցագործությունը, հակառակ դեպքում հիմք կլինի կարծելու, որ ոստիկանությունը սատարում է նման գործելաոճը։
Կուսակցությունը ևս մեկ անգամ հայտարարում է, որ ընդդիմադիր քաղաքական ուժերի ներկայացուցիչներին լռեցնելու բիրտ ու հակաօրինական միջոցները բախվելու են պայքարի ավելի հուժկու միջոցների»։
