«Չի բացառվում, որ Ադրբեջանը տեսնում է մեր զորքերի շարժը` ունենալով արբանյակային հնարավորություններ». Արծրուն Հովհաննիսյան
ՀՀ պաշտպանության նախարարության ներկայացուցիչ Արծրուն Հովհաննիսյանն այսօր կայացած ճեպազրույցի ժամանակ չբացառեց, որ Ադրբեջանը կարողանում է արբանյակներով հետևել մեր զորքի շարժին։
«Ես ոչինչ չեմ կարող բացառել, քանի որ իրականում նրանք ունեն Թուրքիայի` մարտական գործողությունների լիարժեք վերահսկողությունն ու կառավարումը: Այո, շատ հնարավոր է` արբանյակային նման հնարավորություններ ունենան, բայց դա շատ կատաստրոֆիկ երևույթ չէ, որովհետև մենք էլ նույն հետախուզությունն իրականացնելու որոշակի հնարավորություններ ունենք։ Այդ պատճառով մենք պետք է ոչ միայն մտածենք` ինչպես անենք, որ նրանք չտեսնեն, այլ ինչպես անենք, որ նաև խաբենք, լավ քողարկենք մեր շարժերը, միջոցները, գործողությունները»,– ասաց նա։
