«Անդրանիկ Քոչարյանի ուշադրությունը հրավիրում եմ ՀՀ ՊՆ կողմից հրապարակված քարտեզի կարմիր հատվածի վրա: Եթե պարոն Քոչարյանի համար դա ԱՀՌԵԼԻ չէ, ապա ՀՀ անվտանգությունը, գոնե խորհրդարանական մակարդակում, լրջագույնս վտանգված է»
Արթուր Ղազինյանը ֆեյսբուքյան իր էջում գրում է․ «Ապրիլյան պատերազմի ԱԺ քննիչ հանձնաժողովի նախագահ պարոն Քոչարյանին պատասխանելու ցանկություն չունենալով, հարկ եմ համարում նրա ուշադրությունը հրավիրել ՀՀ պաշտպանության նախարարության կողմից հրապարակված քարտեզի կարմիր հատվածի վրա:
Եթե պարոն Քոչարյանի համար դա ԱՀՌԵԼԻ չէ, ապա Հայաստանի անվտանգությունը, գոնե խորհրդարանական մակարդակում, լրջագույնս վտանգված է:
Շատ կցանկանայի նկատել ՀՀ ԱԺ պաշտպանության և անվտանգության մշտական հանձնաժողովի և նրա նախագահի կողմից պատերազմի պայմաններում տարվող խորհրդարանական դիվանագիտության ԱՀՌԵԼԻ աշխատանքը՝ ստացվող ԱՀՌԵԼԻ պարգևավճարների շրջանակներում:
ԱՀՌԵԼԻ հարգանքներս . . .»։
