ՄԱԿ-ը 2020 թվականին աշխարհում օտարերկրյա ներդրումների 30-40 տոկոսով նվազում է կանխատեսում
2020 թվականին աշխարհում օտարերկրյա ուղղակի ներդրումները (ՕՈՒՆ) 30 – 40 տոկոսով կնվազեն, սակայն անկումը կարող է լինել ավելի ուժգին՝ շուրջ 50 տոկոս՝ համավարակի երկրորդ ալիքի պատճառով, որը քայքայում է մի շաք զարգացած պետությունների տնտեսությունը: Այս կանխատեսումը բովանդակում է ՄԱԿ-ի Առեւտրի եւ զարգացման կոնֆերանսի (ՅՈՒՆԿՏԱԴ)՝ հոկտեմբերի 27-ին Ժնեւում հրապարակված տեղեկագիրը:
Ընդգծված է որ «2020 թվականի առաջին երեք եռամսյակների ֆինանսական ցուցիչները համապատասխանում են այն կանխատեսումներին», որոնք հունիսին ՅՈՒՆԿՏԱԴ-ի կողմից շարադրված են աշխարհում ներդրումների մասին զեկույցում, որտեղ խսքը վերաբերում է «12 ամսվա արդյունքներով 30 – 40 տոկոսով ՕՈՒՆ-ի նվազմանը: «2020 թվականի համար կանխատեսումները լի են անորոշությամբ,- արձանագրում են փորձագետները:- Հաշվի առնելով համավարկի երկրորդ ալիքը զարգացած որոշ երկրներում, որը խափանում է նորմալացման ջանքերը, շուրջ 50 տոկոս անկումը, որն արձանագրվել է 2020 թվականի առաջին կիսամյակում, կարող է ձգձգվել»: ՅՈՒՆԿՏԱԴ-ի կարծիքով՝ ՕՈՒՆ-ի ոլորտում իրադրության զարգացումը կախված կլինի «առողջապահության բնագավառում ճգնաժամի տեւողությունից եւ համավարակի տնտեսական հետեւանքների դեմ պայքարի քաղաքական գործողությունների արդյունավետությունից»: Բացի դրանից, «աշխարհաքաղաքական ռիսկերը շարունակում են ավելացնել անորոշությունը» կանխատեսումներում:
ՅՈՒՆԿՏԱԴ-ի տվյալներով՝ընթացիկ տարվա առաջին կիսամյակում աշխարհում ՕՈՒՆ-ի անկումը «2019 թվականի նույն ժամանակահատվածի համեմատությամբ կազմել է 49 տոկոս, քանի որ աշխարհում լոկդաունները դանդաղեցրեցին գոյություն ունեցող ներդրումային նախագծերը», իսկ խորը ռեեսիայի հեռանկարը հանգեցրեց «նոր նախագծերի վերագնահատման»: Արձանագրված է հայտարարված ներդրումային նախագծերի թվի 37-տոկոսանոց նվազում, 15 տոկոսով հայտարարված միաձուլումների եւ կլանումների, 25 տոկոսով՝ նոր ֆինանսական անդրսահմանային պարտավորագրերի նվազում:
Ընթացիկ տարվա առաջին վեց ամսում ՕՈՒՆ-ի զգալի կրճատում է արձանագրվել արդյունաբերապես զարգացած երկրներում՝ 75 տոկոսով՝ մինչեւ 98 միլիարդ դոլար: Հյուսիսային Ամերիայում ՕՈՒՆ-ը նվազել է 56 տոկոսով՝ մինչեւ 68 միլիարդ դոլար: Զարգացող երկրներում առաջին կիսամյակում նվազումը կազմել է 16 տոկոս, ինչը, փորձագետների խոսքով, «ավելի քիչ է, քան սպասվում էր», հաղորդել է ՏԱՍՍ-ը:
