Շոյգուն ադրբեջանական և հայկական կողմերին կոչ է արել ամբողջությամբ կատարել Մոսկվայում ձեռք բերված հրադադարի պայմանավորվածությունը
ՌԴ պաշտպանության նախարար Սերգեյ Շոյգուն հեռախոսային բանակցություններ է վարել Հայաստանի պաշտպանության նախարար Դավիթ Տոնոյանի և Ադրբեջանի պաշտպանության նախարար Զաքար Հասանովի հետ։ Այս մասին տեղեկացնում են ՌԴ ՊՆ տեղեկատվական ծառայությունից։
«РИА Новости», փոխանցմամբ՝ Շոյգուն ադրբեջանական և հայկական կողմերին կոչ է արել ամբողջությամբ կատարել հոկտեմբերի 10–ին Մոսկվայում ձեռք բերված հրադադարի պայմանավորվածությունը։
Ռուսական RT կայքը հիշեցնում է, որ հոկտեմբերի 10–ին ժամը 12։00–ից Արցախը գտնվում է հրադադարի ռեժիմում, ինչի մասին երկու կողմերը պայմանավորվել էին մոսկովյան հանդիպման ժամանակ։
