«Երևանն է տարածաշրջանի խաղաղության ու կայունության ամենամեծ խոչընդոտը». Թուրքիայի պաշտպանության և արտաքին գործերի նախարարները պաշտոնապես հայտարարել են՝ շարունակելու է աջակցել Ադրբեջանին
Թուրքիայի պաշտպանության նախարար Հուլուսի Աքարը հայտարարել է, որ Թուրքիան շարունակելու է աջակցել «տարածքային ամբողջականությունն ու ժողովրդին պաշտպանող» Ադրբեջանին։
Նա դարձյալ պնդել է, թե «Երևանն է տարածաշրջանի խաղաղության ու կայունության ամենամեծ խոչընդոտը»։
Արցախի հակամարտության կարգավորմանն անդրադարձել է նաև Թուրքիայի արտգործնախարար Մևլութ Չավուշօղլուն։ Նա միջազգային հանրության՝ մասնավորապես Ֆրանսիայի և Ռուսաստանի կոչերը միակողմանի է որակել՝ պնդելով, թե իրենք շարունակելու են աջակցել Ադրբեջանին նաև դիվանագիտական հարթակներում։
«Դաշտում, թե բանակցային սեղանին, մենք Ադրբեջանի հետ ենք»,-ասել է նա։
