Թուրքիան 12 զրահամեքենա է ուղարկել Սոմալի
Թուրքիան շարունակում է ներթափանցել և իր դիրքերը հաստատել ոչ միայն տարածաշրջանային, այլև արտատարածաշրջանային երկրներում: Այս մասին տեղեկացնում է ermenihaber.am-ը:
Թուրքիան Սոմալիին որպես աջակցություն 12 զրահամեքենա է ուղարկել: Նշվում է, որ տրամադրված ռազմատեխնիկական աջակցությունը Սոմալիում «Աշ-Շաբաբ» («Մոջահեդների երիտասարդական շարժում») իսլամիստական արմատական խմբավորումների դեմ պայքարելու համար է:
Մոգադիշոյում Թուրքիայի արտակարգ և լիազոր դեսպան Մեհմեթ Յըլմազը զրահամեքենաների հանձման արարողությանը հայտնել է, որ Թուրքիան շարունակելու է ցանկացած հարցում աջակցել Սոմալիին:
