Ալեքսանդր Արզումանյանի գործով բողոք է ներկայացվել Վճռաբեկ դատարան
Վճռաբեկ դատարան է ներկայացվել Մարտի 1-ի դեպքերով հարուցված հայտնի «7-ի գործով» 225-րդ հոդվածի 1-ին մասով (զանգվածային անկարգություններ կազմակերպելը) դատապարտված Ալեքսանդր Արզումանյանի վճռաբեկ բողոքը՝ արդարացման պահանջով: Այս մասին «Ֆեյսբուքի» իր էջում տեղեկացրել է Հայ ազգային կոնգրեսի ներկայացուցիչ Արմեն Խաչատրյանը:
«Սա «7-ի գործով» քաղբանտարկյալների երրորդ բողոքն է Վճռաբեկ դատարանին»,- գրել է Խաչատրյանը:
Ալեքսանդր Արզումանյանը 2017 թվականից անցել է դիվանագիտական ծառայության եւ Դանիայի Թագավորությունում, Նորվեգիայի Թագավորությունում, Շվեդիայի Թագավորությունում, Իսլանդիայի Հանրապետությունում, Ֆինլանդիայում Հայաստանի Հանրապետության արտակարգ և լիազոր դեսպանն է:
