Ջոկովիչը Ցինցինատի մրցաշարի կիսաեզրափակիչում է
Թենիսի աշխարհի առաջին ռակետ Նովակ Ջոկովիչը Ցինցինատիի մրցաշարի կիսաեզրափակիչում է: Նյու Յորքում ընթացող Ցինցինատիի մրցաշարի տղամարդկանց մենախաղի քառորդ եզրափակիչում Ջոկովիչը մրցեց գերմանացի Յան-Լենարդ Շտրուֆի հետ և 1 ժամ 3 րոպե ձգված մրցախաղում հաղթեց երկու սեթում` 6:3,6:1 հաշվով: Կիսաեզրափակիչում Ջոկովիչը կմրցի իսպանացի Ռոբերտո Բաուտիստա-Ագուտի հետ:
Նախապես այս մրցաշարը պետք է անցկացվեր ամերիկյան Ցինցինատի քաղաքում, սակայն կորոնավիրուսի համավարակի պատճառով կազմակերպիչներն այն տեղափոխել են Նյու Յորք:
