Զինծառայողի մահվան հանգամանքները պարզելու համար միջոցներ են ձեռնարկվում
ՀՀ քննչական կոմիտեի զինվորական քննչական գլխավոր վարչության չորրորդ կայազորային քննչական բաժնում նյութեր են նախապատրաստվում օգոստոսի 21-ին ժամկետային զինծառայողի մահվան հանգամանքները պարզելու համար։ Այս մասին տեղեկացրին ՀՀ քննչական կոմիտեից։
2020թ. օգոստոսի 21-ին՝ ժամը 15:00-ին, ՀՀ ՊՆ N զորամասի պարտադիր ժամկետային զինծառայող, շարքային Խաչիկ Գասպարի Բաղդասարյանն ուշագնաց է եղել և վայր ընկել: Վերջինս տեղափոխվել է ՀՀ ՊՆ կենտրոնական կլինիկական զինվորական հոսպիտալի վերակենդանացման բաժանմունք, որտեղ իրականացվել են վերակենդանացման միջոցառումներ, սակայն ժամը 16:15-ին գրանցվել է Բաղդասարյանի կենսաբանական մահը:
