Ոստիկանները ՌԴ իրավապահների կողմից հետախուզվողի են հայտնաբերել
Ոստիկանության Արաբկիրի բաժնի և ՊՊԾ գնդի 2-րդ գումարտակի ծառայողների համատեղ ձեռնարկած միջոցառումների շնորհիվ օգոստոսի 10-ին, ժամը 23.00-ին, Կոմիտասի պողոտայից Արաբկիրի բաժին բերման է ենթարկվել ՌԴ քաղաքացի Կարապետ Կ.-ն, որը 2019 թ. հոկտեմբերի 10-ից Կրասնոդարի երկրամասի Աշպերանսկի շրջանի ՆԳ բաժնի կողմից հետախուզվում էր ՌԴ քրեական օրենսգրքի 163-րդ հոդվածի (Շորթումը) մեղադրանքով:
Կարապետ Կ.-ն ձերբակալվել է:
Հայտնաբերման մասին տեղյակ է պահվել հետախուզումը նախաձեռնողին և դատախազությանը:
