Չինաստանը և Իրանը ազգային ցուցադրանքներ չեն ներկայացնելու «Բանակ-2020» համաժողովին
Չինաստանը եւ Իրանը իրենց ազգային ցուցադրանքները չեն ներկայացնելու «Բանակ-2020» ռազմատեխնիկական համաժողովում: Այդ մասին հայտնել են ՌԴ պաշտպանության նախարարությունում:
Ավելի վաղ ՌԴ պաշտպանության նախարարության առաջավոր տեխնոլոգիաների գիտահետազոտական գործունեության եւ տեխնոլոգիական ուղեկցության գլխավոր վարչության պետ գեներալ-մայոր Անդրեյ Գոնչարովը հայտնել է, որ յոթ երկրներ՝ Հայաստանը, Բելառուսը, Ղազախստանը, Չինաստանը, Պակիստանը, Հնդկաստանը, Իրանը, պլանավորում են ազգային ցուցադրանքներ կազմակերպել համաժողովում:
«Հինգ երկրներ (Բելառուսը, Բրազիլիան, Հնդկաստանը, Ղազախստանը, Պակիստանը) համաժողովում կներկայացնեն իրենց ազգային ցուցադրանքները, որտեղ մեր օտարերկրյա գործընկերները կցուցադրեն առավել հեռանկարային նմուշները եւ մշակումները»,-ասվում է հաղորդագրության մեջ:
Նշվում է, որ ընդամենը համաժողովին պլանավորում են մասնակցել 72 պետությունների ներկայացուցիչներ: Բացի այդ, սկզբից պլանավորել էին բարձր մակարդակի պատվիրակություններ ուղարկել 11 երկրներ՝ Հայաստանը, Բելառուսը, Բրազիլիան, Հունաստանը, Հնդկաստանը, Իրանը, Ղազախստանը, Չինաստանը, Շրի-Լանկան, Կենտրոնաֆրիկյան Հանրապետությունը, Հարավային Օսիան: Այժմ կազմը փոխվել է, իրենց պատվիրակներին հանել են Հունաստանը, Հնդկաստանը, Չինաստանը եւ Շրի-Լանկան, ավելացել են Վիետնամը, Ռուանդան եւ Լիբանանը, հաղորդել է ՌԻԱ Նովոստին:
