Բեյրութի պայթյունից ՅՈՒՆԵՍԿՕ-ի համաշխարհային ժառանգության ոչ մի օբյեկտ չի տուժել
ՅՈՒՆԵՍԿՕ-ի Համաշխարհային ժառանգության ցանկից ոչ մի օբյեկտ չի տուժել Լիբանանի մայրաքաղաքի նավահանգստում տեղի ունեցած, պայթյունի հետեւանքով: Այդ մասին ՏԱՍՍ-ին հաղորդել են այդ միջազգային կառույցի մամուլի ծառայությունում, կառույց, որի կենտրոնակայանը գտնվում է Փարիզում:
«Պայթյունից վնասված գոտում ՅՈՒՆԵՍԿՕ-ի համաշխարհային ժառանգության ոչ մի օբյեկտ չկա»,- նշել են մամուլի ծառայությունում: «Բեյրութում մեր բյուրոյի հետ այս պահին մենք գնահատում ենք այն վնասը, որը հասցվել է թանգարաններին եւ ազգային մշակութային օբյեկտներին»,- ընգծել են ՅՈՒՆԵՍԿՕ-ում:
ՅՈՒՆԵՍԿՕ-ի Համաշխարհային ժառանգության ցանկում ներառված լիբանանյան օբյեկտների թվում են Վալիդ Առաջինի պալատի ավերակները եւ դրան հարող տարածքը Անջար քաղաքում, ինչպես նաեւ Բաալբեկ հինավուրց քաղաքը: Այդ տեսարժան վայրերը գտնվում են Բեքաայի հովում:
