Փրկարարները քաղաքացիներին մոտեցրել են մոտակա ափ
Օգոստոսի 5-ին, ժամը 22:04-ին Ճգնաժամային կառավարման ազգային կենտրոն ահազանգ է ստացվել, որ Սևանա լճի թերակղզու մոտակայքից երկու քաղաքացի ջրային մոտոցիկլով գնացել են դեպի «Ալբատրոս» լողափ, սակայն բավական ժամանակ քաղաքացիներից ոչ մի տեղեկություն չկա։
Դեպքի վայր է մեկնել ԱԻՆ ՓԾ Գեղարքունիքի մարզային փրկարարական վարչության հատուկ ջրափրկարարական ջոկատից մեկ մարտական հաշվարկ։
Պարզվել է, որ մոտոցիկլը խափանվել է։ Ջրափրկարարները քաղաքացիներ Ռուբեն Լ․-ին (ծնված 1999 թ․) և Նարինե Հ․-ին (ծնված 2000 թ․) (ջրային մոտոցիկլը ևս) մոտեցրել են մոտակա ափ։
