Ռուստամ Բադասյանը, Ռուբեն Վարդազարյանը և աշխարհի «ամենաանկախ» դատական համակարգը
Մեր տեղեկություններով, դատական համակարգն իրենցով անելու «սրբազան» առաքելության շրջանակներում ջերմացել են արդարադատության նախարար Ռուստամ Բադասյանի և ԲԴՀ նախագահ Ռուբեն Վարդազարյանի հարաբերությունները: Նրանք միասնական են հանդես գալիս դատական համակարգում փոխատեղումների, սրան-նրան անցանկալի անձ հայտարարելու և այլ հարցերում:
Չնայած նախկինում եղած ջերմ հարաբերություններին, Վարդազարյան-Բադասյան զույգը դատավորների վերջին ընդհանուր ժողովին չի խորշել ցանկացած մեթոդով հեռացնել տարբեր հանձնաժողովներում իր թեկնածությունը առաջադրած Գագիկ Բեգլարյանի խնամու՝ Գագիկ Խանդանյանի, որդուն` Ռաֆայել Խանդանյանին, նորմալ դատավորի համարում ունեցող Տարոն Նազարյանին և այլն:
Ըստ շրջանառվող լուրերի՝ «սկզբունքային» Բադասյանը ցանկացած քայլ անելիս պարտադիր նշում է, որ այդպիսին է Փաշինյանի կամքը: Նա բոլոր մեթոդներով պայքարել է իր ուզած թեկնածուների համար, օրինակ, Գոռ Թորոսյանի, Հովիկ Շահնազարյանի, Նորա Կարապետյանի, Մերի Համբարձումյանի և այլոց դեպքերում: Դատական համակարգում խոսում են, որ նման բացահայտ, կոշտ ու տոտալ «կոնտռոլի» մեթոդներ երբեք չեն եղել: Ինչպես ասում են` մենք դեռ շատ ունենք անկախ դատական համակարգի հասնելու առումով:
