Տարիներով ֆինանսավորել եմ Նիկոլ Փաշինյանի թերթը, որովհետև ենթարկվել եմ շանտաժի նրա կողմից․ Միքայել Մինասյա
Նիկոլ Փաշինյանը միշտ է եղել դասական և շարքային շանտաժիստ: Նա ամեն ինչին հասել է միայն շանտաժի միջոցով. Ֆեյսբուքյան իր էջում հրապարակած տեսանյութում ասել է Սուրբ Աթոռում ՀՀ նախկին դեսպան Միքայել Մինասյանը:
Միքայել Մինասյանը նշեց, որ ինքը տարիներ շարունակ «համաֆինանսավորել» է «Հայկական ժամանակ»-ին, որպեսզի իր ընտանիքի մասին հերյուրանքներ չտպագրվեն։ Նա պատմեց, թե ինչպես է դստեր ծնունդից հետո թերթում հոդված հրապարակվել՝ երեխային ադամանդե թևնոցի ու ոսկե ծծակի մասին։
«Դրանից հետո Ինձ հանդիպեց Հայկ Գևորգյանը, այսօրվա ԱԺ պատգամավոր և ասաց ,որ եթե չես ուզում որ երեխայիդ մասին վատ բաներ գրենք,մտնենք անձնական, դե գիտես, որ Նիկոլը մի քիչ տարօրինակ է,որ մի քիչ… Եվ ես ուզում եմ ամոթով խոստովանեմ,որ ես, որպեսզի ընտանիքիս հանգիստ թողնեն այդ սրբապիղծները, գնացի գործարքի և պայմանավորվեցինք,որ ամսական իրենց չվաճառված թերթերը, ինչ-որ սխեմայի միջոցով մենք կֆինանսավորենք, որպեսզի իրենք չունենան թերթային «վազվրատ»։ Ես ուզում եմ ձեզ ասել,որ ես իմ կյանքում մի անգամ եմ ենթարկվել շանտաժի և արել եմ մեծ սխալ, որովհետև իմ ընտանեկան երջանության համար ֆինանսավորել եմ հոգեբանական տեռորիստին։
