Ավտովթարի հետևանքով բուժօգնության տեղափոխված 27-ամյա տղամարդը մահացել է
Մարտի 7-ին, ժամը 03.40-ի սահմաններում, Մարգարա-Վանաձոր-Տաշիր ճանապարհի 30-րդ կմ-ին «Ֆոլքսվագեն» մակնիշի ավտոմեքենան դուրս էր եկել երթևեկելի գոտուց և հարվածելով քարերին՝ շրջվել էր. 27-ամյա վարորդը և 26-ամյա ուղևորը մարմնական վնասվածքներով տեղափոխվել էին հիվանդանոց: Մարտի 21-ին, ժամը 14.50-ին, հիվանդանոցից ոստիկանության Աշտարակի բաժին հաղորդում է ստացվել, որ ավտովթարի հետևանքով բուժօգնության տեղափոխված 27-ամյա Հրանտ Նիկոլյանը մահացել է:
