Huawei-ը երեք սելֆի-խցիկով սմարթֆոն կթողարկի
Huawei ընկերությունը թողարկելու է սմարթֆոն, որը կունենա երեք ֆրոնտալ խցիկ: Այդ մասին իր Twitter-ում հայտնել է ճանաչված ցանցային ինֆորմատոր Մուկուլ Շարման։
Շարման իր օգտահաշվում հրապարակել է P40 շարքի նոր սարքի գովազդային պոստերը: Դրանում սխեմատիկ կերպով պատկերված է Huawei-ի դեւայսը՝ երեք սելֆի-խցիկով: Դատելով պոստերից՝ ֆրոնտալ խցիկները ներսարված են անմիջականորեն սմարթֆոնի մատրիցում եւ տեղակայված են էկրանի վերին ձախ անկյունում: Նկարագրման համաձայն, սմարթֆոնների նոր շարքի մեջ կմտնեն Huawei P40 и P40 Pro ապարատները: Ինսայդերը չի ճշտում՝ երեք խցիկից բաղկացած հավաքանին կստանան երկու դեւայսները, թե միայն մեկը: Դատելով պատկերից՝ Huawei P40 շարքի դեւայսների շնորհանդեսը կկայանա մարտի 26-ին:
GSMArena-ի աղբյուրների տեղեկատվությամբ, Huawei-ի հաջորդ ֆլագմանները կունենան OLED-դիսփլեյ, Kirin 990 պրոցեսոր՝ 5G –ով աշխատելու կարողությամբ, եւ եռակի խցիկ: Շարքի ավագ մոդելը՝ P40 Pro-ն, կթողարկվի հիմնական խցիկով, որը կստանա 52,40 եւ 8 մեգապիքսել լուծաչափով սենսորներ: Անվտանգության նկատառումներով մահացու վիրուսի տարածման պատճառով ֆլագմանների նոր շարքի շնորհանդեսը կանցկացվի առցանց ռեժիմով:
