Չինաստանի Կոմկուսի անդամներն ավելի քան 1,1 մլրդ դոլար են նվիրաբերել կորոնավիրուսի դեմ պայքարին
Չինաստանի Կոմունիստական կուսակցության (ՉԿԿ) անդամները որպես կամավոր նվիրատվություն շուրջ 7,68 մլրդ յուան (ավելի քան 1,1 մլրդ դոլար) են տրամադրել նոր կորոնավիրուսի տարածման դեմ պայքարի միջոցառումները ֆինանսավորելու համար: Այդ մասին մարտի 11-ին հայտնել է Չինաստանի կենտրոնական հեռուստատեսությունը։
Նրա տվյալներով՝ ընդամենը համազգային ակցիային միացել է 74,36 մլն մարդ: Սպասվում է, որ հաջակցություն իշխանությունների կողմից գործադրվող ջանքերի շարժման մասնակիցների թիվը կշարունակի ավելանալ:
Պաշտոնական վիճակագրության համաձայն, ՉԿԿ-ի շարքերում հաշվում է ավելի քան 90,6 մլն մարդ: ՉԺՀ-ում կորոնավիրուսի դեմ պայքարելու համար պետական բյուջեի ծախսերն արդեն գերազանցել են 110 միլիարդ յուանը (գրեթե 16 մլրդ դոլար), հաղորդել է ՏԱՍՍ գործակալությունը:
