Հայտնի է Արա Բաբլոյանի և Արսեն Բաբայանի գործը քննող դատավորի անունը
ԱԺ նախկին նախագահ Արա Բաբլոյանի և ԱԺ աշխատակազմի նախկին ղեկավարի տեղակալի պաշտոնակատար Արսեն Բաբայանի գործը, ըստ datalex.am կայքի՝ մակագրվել է Երևան քաղաքի Ավան և Նոր Նորք վարչական շրջանների ընդհանուր իրավասության դատարանի դատավոր Հարություն Մանուկյանին:
Մեղադրական եզրակացության համաձայն՝ Արա Բաբլոյանին մեղադրանք է առաջադրվել, որ նա 2018թ․ հանդիսանալով ՀՀ ԱԺ նախագահ՝ չարաշահել է իր պաշտոնեական լիազորությունները, որն անզգուշությամբ առաջացրել է ծանր հետևանքներ, ինչպես նաև կատարել է պաշտոնեական կեղծիք (Քրեական օրենսգրքի 380-րդ հոդվածի 2-ին մաս, 314-րդ հոդվածի 1-րդ մաս)։
Արսեն Բաբայանին մեղադրանք է առաջադրվել, որ նա 2018թ․ մարտի 5-ին համատեղության կարգով հանդիսանալով ՀՀ ԱԺ աշխատակազմի ղեկավարի տեղակալի պաշտոնակատարը, օժանդակել է ՀՀ Ազգային ժողովի նախագահ Արա Բաբլոյանին և այլ պաշտոնատատար անձանց՝ իրենց պաշտոնեական լիազորությունները չարաշահելուն, որն անզգուշությամբ առաջացրել է ծանր հետևանքներ, ինչպես նաև կատարել է պաշտոնեական կեղծիք (Քրեական օրենսգրքի 38-380-րդ հոդվածի 2-ին մաս, 314-րդ հոդվածի 1-րդ մաս)։
Դատական նիստի օրը դեռ նշանակված չէ:
Հիշեցնենք, որ դատախազությունը ավելի քան մեկ շաբաթ առաջ էր ստացել Բաբլոյանի և Բաբայանի վերաբերյալ քրեական գործը: Իսկ ավելի վաղ, քրեական գործով հսկողություն իրականացնող դատախազը մերժել էր ՀՔԾ քննիչի առարկությունը՝ մեղադրական եզրակացությունը չհաստատելու և քրեական գործը վերադարձնելու որոշման վերաբերյալ:
