Փրկարարները Կապանի գազալցակայաններից մեկում դադարեցրել են գազի արտահոսքը
Փետրվարի 15-ին, ժամը 21:38-ին Ճգնաժամային կառավարման ազգային կենտրոն Սյունիքի մարզի Կապան քաղաքի Սպանդարյան փողոցի թիվ 39 հասցեում գտնվող «Վաս Գազ» գազալցակայանից «ՍՕՍ ՍԻՍԹԵՄՍ» հակահրդեհային ազդարարման համակարգով ազդանշան է ստացվել: Այս մասին տեղեկացնում են ԱԻՆ տեղեկատվության և հասարակայնության հետ կապերի վարչությունից:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ:
Պարզվել, որ կայանի բարձր ճնշման գազատար բալոնից տեղի է ունեցել գազի արտահոսք:
Փրկարարները դադարեցրել են գազի արտահոսքը:
