Նոր Զելանդիայում շուրջ 400 մարդ է արգելափակված մնացել տեղատարափների պատճառով
Նոր Զելանդիայում վատ եղանակի պատճառով շուրջ 400 մարդ, որոնց մեծ մասն զբոսաշրջիկներ են, արգելափակված է մնացել Հարավային կղզու հարավարեւմտյան ծովեզերքի Միլֆորդ Սաունդ առողջարանային քաղաքում: Ինչպես փետրվարի 3-ին հայտնել է The New Zealand Herald հրատարակությունը, քաղաքից դուրս եկող միակ ճանապարհը ողողվել է անձրեւներից եւ մասնակիորեն քանդվել սողանքներից։
Սաստիկ քամու եւ հորդառատ անձրեւների պատճառով Ֆայորդլենդի տարածաշրջանի իշխանությունները, որտեղ գտնվում է Միլֆորդ Սաունդը, արտակարգ դրություն են հայտարարել, իսկ երկրի օդերեւութաբանական ծառայությունը հրապարակել է պատմության մեջ առաջին նախազգուշացումն արտակարգ եղանակային պայմանների մասին: Տրածաշրջանի իշխանությունները հայտարարել են, որ մարդկանց տարահանման համար կօգտագործվեն ուղղաթիռներ, քանի որ ճանապարհն, ինչպես սպասվում է, փակ կմնա մինչեւ շաբաթվա վերջը, հաղորդել է ՏԱՍՍ-ը:
