Նեյմարը և ՊՍԺ-ն հակված են երկարաձգել պայմանագիրը. ամեն ինչ կախված է ՉԼ-ում ելույթներից

Հարձակվող Նեյմարը կարող է երկարաձգել պայմանագիրը ՊՍԺ-ի հետ: 27-ամյա բրազիլացին հակված է կապել իր ապագան փարիզցիների հետ, բայց ամեն ինչ կախված կլինի Չեմպիոնների լիգայում թիմի ելույթներից, հայտնում է ESPN-ը՝ հղելով իր աղբյուրներին:

ՊՍԺ-ն լավատեսորեն է տրամադրված համաձայնագրի հնարավոր երկարաձգման վերաբերյալ, բայց որոշումը կկայացվի միայն ապրիլ-մայիս ամիսներին:

Չնայած անցած ամռանը Նեյմարի և ՊՍԺ-ի միջև լարվածությանը՝ բրազիլացու «Բարսելոնա» վերադառնալու ցանկության պատճառով, ֆուտբոլիստի և ակումբի միջև հարաբերություններն այժմ բարելավվել են:

Բրազիլացի ֆուտբոլիստը հարմարվել է Փարիզում. նա իրեն զգում է ակումբի և քաղաքի մաս:

Այս մրցաշրջանում ակումբի համար անցկացրած 15 խաղում Նեյմարը խփել է 13 գոլ և դարձել 7 արդյունավետ փոխանցման հեղինակ:

Պատրաստեց Անի Գաբուզյանը