Քասախ գյուղում ամբողջությամբ այրվել է «ՎԱԶ-2107» մակնիշի ավտոմեքենա

Հունվարի 12-ին՝ ժամը 00:28-ին, «911» ծառայություն ահազանգ է ստացվել, որ Կոտայքի մարզի Քասախ գյուղի Վ. Սարգսյան փողոցում այրվում է ավտոմեքենա. մոտակայքում կա գազատար խողովակ:

Ըստ ԱԻՆ կայքի՝ դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ և հատուկ հրշեջ ջոկատից ևս մեկ մարտական հաշվարկ:

Պարզվել է, որ հրդեհը բռնկվել է Քասախ գյուղի թիվ 1 դպրոցի մոտակայքում. գազատար խողովակը չի վնասվել:

Հրդեհը մեկուսացվել է ժամը 00:41-ին, մարվել՝ 00:48-ին: Տուժածներ չկան:

«ՎԱԶ-2107» մակնիշի ավտոմեքենան (վարորդի տվյալները չի հաջողվել պարզել) ամբողջությամբ այրվել է:

Տեսանյութեր

Լրահոս