«Հիմա շտապում եմ ՀՖՖ՝ հասկանալու՝ ինչ հիմքով ինձ չեն հավատարմագրել». ՀՖՖ-ն մերժել է Սուրեն Բաղդասարյանի հավատարմագրումը
Հայաստանի ֆուտբոլի ֆեդերացիան մերժել է ֆուտբոլային մեկնաբան Սուրեն Բաղդասարյանի հավատարմագրումը՝ դեկտեմբերի 23-ին կայանալիք ՀՖՖ նախագահի և գործկոմի անդամների ընտրություններին։
«Ինձ տեղեկացրեցին, որ ՀՖՖ-ն ինձ չի հավատարմագրել։ Պատկերացնո՞ւմ եք, թե ի՞նչ է կատավում։ Որևէ բան այս պահի դրությամբ չեմ կարող հայտնել, մանրամասների մասին կասեմ ավելի ուշ. հիմա շտապում եմ ՀՖՖ՝ հասկանալու՝ ինչ հիմքով ինձ չեն հավատարմագրել»,- 168.am-ի հետ զրույցում ասաց Սուրեն Բաղդասարյանը։
