«Դեկտեմբերին պատրաստ կլինի ավտոբուսների նոր պարկը». Հայկ Մարության
Երևանի քաղաքապետ Հայկ Մարությանը ֆեյսբուքյան իր էջում գրառում է կատարել, որում հայտնում է, որ դեկտեմբերին ավտոբուսների նոր պարկը պատրաստ կլինի: Գրառումն ամբողջությամբ՝ ստորև.
«Այցելեցի «Երևանտրանս» ՓԲԸ, որտեղ ավարտին է մոտենում տրոնսպորտային նոր ցանցի պահանջներին համահունչ ավտոբուսների հավաքակայանի կառուցումը: Հավաքակայանը կունենա նաև ավտոլվացման կետ, հանգստի սենյակներ, ճաշարան և այլն: Դեկտեմբերին արդեն ավտոբուսների նոր պարկը պատրաստ կլինի:
Այնուհետ «Երևանի աղբահանություն և սանիտարական մաքրում» համայնքային հիմնարկի տնօրենի հետ զրուցեցինք ձմռան նախապատրաստական աշխատանքների ընթացքի մասին:
Մեկնեցինք նաև մետրոպոլիտեն և ծանոթացանք մեր կարևորագույն տրանսպորտային կառույցի աշխատանքների որոշ մանրամասների»:
