«Չես կարող հաղթել «Մանչեսթեր Սիթիին»` նրանց նման խաղալով»․ Կլոպ
«Լիվերպուլի» գլխավոր մարզիչ Յուրգեն Կլոպը խոսել է Անգլիայի Պրեմիեր լիգայի 12-րդ տուրի խաղում «Մանչեսթեր Սիթիի» նկատմամբ տարած հաղթանակի մասին (3:1):
«Եթե ցանկանում ես հաղթել «Մանչեսթեր Սիթիին», ինչն ինքնին շատ դժվար է աշխարհի ցանկացած թիմի համար, ապա չես կարող խաղալ այնպես, ինչպես նրանք են անում, քանի որ նրանք լավագույնն են իրենց խաղում: Դա անիմաստ է։
Հետևաբար՝ մենք ստիպված էինք առաջ տանել մեր խաղաոճը: Առաջին իսկ վայրկյանից մենք գործեցինք ինտենսիվ, դա կարևոր էր երկու թիմերի համար:
Մենք երկու անհավանական գոլ խփեցինք: Պահեր կային, որ մեզ համար դժվար էր, բայց մենք կարողացանք վերահսկել խաղը մինչև հոգնելը»,- նշել է Կլոպը:
Սիրարփի Աղաբաբյան
