Ավստրիան պատրաստ է հարթակ տրամադրել ԳՀՀԾ-ի շուրջ բանակցությունների համար
Ավստրիան միշտ պատրաստ է հարթակ տրամադրել իրանական միջուկային պլանի վերաբերյալ Գործողությունների համատեղ համապարփակ ծրագրի (ԳՀՀԾ) շուրջ բանակցությունների համար: Այդ մասին լրագրողներին հայտարարել է Ավստրիայի արտգործնախարարության զինաթափման, սպառազինությունների վերահսկման ու չտարածման հարցերի դեպարտամենտի տնօրեն Տոմաշ Հայնոցին:
«Մենք չենք կարող միջամտել, բայց մենք միշտ պատրաստ ենք հարթակ տրամադրել հետագա բանակցությունների համար»,-հայտարարել է նա՝ ելույթ ունենալով չտարածմանը նվիրված Մոսկվայի խորհրդաժողովում, հաղորդել է ՌԻԱ Նովոստին:
