Հայաստանը Doing Business-ում հետընթաց է արձանագրել` ինչո՞ւ. վարչապետը՝ նախարարին
Հոկտեմբերի 24-ին Համաշխարհային բանկը հրապարակել է Գործարարություն Doing Business 2020» զեկույցը, որում Հայաստանը նահանջ է արձանագրել։
Նշենք, որ այս զեկուցով գնահատվում է գործարարության մակարդակը տարբեր երկրներում՝ համապատասխան 10 չափանիշներով։
Վարչապետ Նիկոլ Փաշինյանն այսօր Կառավարության նիստի ժամանակ ՀՀ էկոնոմիկայի նախարար Տիգրան Խաչատրյանից հետարքրքրվեց՝ ո՞րն է Doing Business-ում Հայաստանի արձանագրած ցածր ցուցանիշի պատճառը։
Ի պատասխան՝ նախարարը նշեց, որ նախորդ տարվա համեմատ Հայաստանն ունի առաջընթաց՝ հատկապես հարկերի վճարման, քաղաքաշինական թույլտվությունների տրամադրման, արտաքին առևտրի և մի շարք այլ ոլորտներում։
«Նախորդ տարվա համեմատ մենք ունենք 1.3 տոկոսով դիրքի բարելավում, բայց եթե անցյալ տարի մենք գտնվում էինք 41-րդ հորրիզոնականում, ապա այս տարի՝ 47-րդ հորիզոնականում ենք»,- ասաց նախարարը՝ նշելով, որ այդ հետընթացի պատճառն այն է, որ Համաշխարհային բանկն այս տարի որոշակի ցուցանիշների և գնահատման մեթոդաբանության մեջ որոշակի փոփոխություններ է կատարել։
ԱՂԱՎՆԻ ՍՈՒՔԻԱՍՅԱՆ
