Ոստիկանությունն օրվա իշխանության ծառայո՞ղն է. Ահարոնյանը չի մեկնաբանում
Ոստիկանությունը միշտ էլ օրվա իշխանության ծառայողն է։ Այս մասին այսօր «Իմ քայլը՝ հանուն Արագածոտնի մարզի» ներդրումային համաժողովի ընթացքում լրագրողների հետ զրույցում ասաց Արարատի մարզպետ Գարիկ Սարգսյանը։
168.am-ը Ոստիկանության լրատվության և հասարակայնության հետ կապերի վարչության պետ Աշոտ Ահարոնյանից հետաքրքրվեց՝ ոստիկանոթյունում կիսո՞ւմ են արդյոք Արարատի մարզպետի տեսակետն ու համարո՞ւմ են իրենց օրվա իշխանության ծառայողը։
Հարցին ի պատասխան՝ Աշոտ Ահարոնյանն ասաց. «Որևէ մեկնաբանություն չեմ կարող անել. Պարզապես՝ չեմ մեկնաբանում»։
Նշենք, որ լրագրողների հետ զրույցում Արարատի մարզպետ Գարիկ Սարգսյանը նաև մանրամասել է.
«Ոստիկանությունը միշտ էլ օրվա իշխանության ծառայողն է, ժողովրդի ծառայողն է, և եթե ժողովրդի մեծամասնությունը քվեն տվել է մեր իշխանությանը, այսինքն` ծառայելով իշխանությանը` ծառայում են ժողովրդին»:
ԱՂԱՎՆԻ ՍՈՒՔԻԱՍՅԱՆ
