Խելացի կոշիկ, բլոկչեյն և լրացված իրականության տեխնոլոգիաներ․ ովքե՞ն են WCIT-ի հաղթողները
Տեղեկատվական տեխնոլոգիաների համաշխարհային համաժողովը (WCIT) արդեն պատմություն է։ Համաժողովի վերջին օրը ընդհանուր 105 հազար դոլար մրցանակային ֆոնդով պարգևատրվեցին ներկայացված ամենահետաքրքիր գաղափարները։ Երեք ստարտափերներ ստացան՝ 25 հազարական, մյուս երեքը՝ 10 հազարական դոլար:
168.am-ը ներկայացնում է դրամական պարգևներ ստացած ստարտափները։
Krisp
Krisp-ը իրենից ներկայացնում է Mac և Windows համակարգիչների համար արհեստական միկրոֆոն և բարձրախոս։ Krisp-ի օգնությամբ ցանկացած զանգ, որը կատարվում է համակարգչից, մաքրվում է աղմուկից։ Հեռացվում է օգտագործողին շրջապատող աղմուկը զանգի այլ մասնակիցների համար, ինչպես նաև այլ մասնակիցների աղմուկը Krisp օգտագործողի համար։ Krisp-ը նաև դարձել է տարվա ապրանք ProductHunt պլատֆորմում և նվաճել Golden Kitty մրցանակ:
Ընկերությունում այս պահին աշխատում է երեսունից ավելի մարդ։ Տեխնոլոգիաների վրա աշխատող հետազոտողների թիմը բաղկացած է տասը հոգուց, մեծ մասը ֆիզիկամաթեմատիկական գիտությունների թեկնածուներ են, մյուսներն էլ ուսանողներ են, ում մոտակա պլաններում թեկնածուականի պաշտպանություն կա։
Այս ծրագրի միջոցով դուք կարող եք մի քանի վայրկյանում գտնել մոտակա ռեստորանները, հյուրանոցները, խանութները և տեսարժան վայրերը:
Նախաձեռնության հեղինակները նշում են, որ բջջային ուղևորությունների անվճար ծրագիրը ամենաարագ և ամենահեշտ ճանապարհն է նման տեղեկատվություն գտնելու համար: Այն աշխատում է ցանկացած երկրում` նույնիսկ առանց ինտերնետ կապի:
Ծրագիրն աշխատում է լրացված իրականության տեխնոլոգիայով, որը փոխում է աշխարհը տեսնելու կերպը։
Virtlo-ի միջոցով դուք կարող եք՝
– Հեշտությամբ հայտնաբերել ձեր կողքին եղած բոլոր վայրերը՝ սկսած տեսարժան վայրերից՝ մինչև ռեստորաններ, դեսպանատներ, դեղատներ և այլն։
– Պարզապես գտնել այն, ինչ փնտրում եք: Փնտրեք 100+ միլիոն հետաքրքրության կետեր ամբողջ աշխարհում՝ ավելի քան 200 կատեգորիաներում:
– Վստահորեն ճանապարհորդել մոլորակի ցանկացած կետ: Տվյալները ներառում են ցանկացած վայր, ներառյալ՝ այնպիսի հայտնի վայրեր, ինչպիսիք են Նյու Յորքը, Սան Ֆրանցիսկոն, Լաս Վեգասը, Փարիզը, Լոնդոնը, Միլանը, Ամստերդամը, Պրահան, Բարսելոնան, Վիեննան, Մյունխենը, Մոսկվան, Դուբայը, Կուալա Լումպուրը, Հոնկոնգը, Սինգապուրը, Բանգկոկը, Թայբեյը, Շանհայը, Սիդնեյը և այլն:
– Պահպանել բջջային տվյալները: Ծրագիրը հնարավոր է դարձնում որոնել և ուսումնասիրել մոտակա վայրերը՝ նույնիսկ առանց ինտերնետ կապի:
– Հետևել ձեր նախընտրած վայրերին և տարածել դրանք ընկերների հետ:
GEBE CERT-ն օգտագործում է բլոկչեյն տեխնոլոգիան՝ օգնելով ընկերություններին դադարեցնել կեղծ ապրանքների ձեռքբերումը և սերտիֆիկացումը:
Նախագծի հեղինակները այն ներկայացնում են՝ որպես թվային սերտիֆիկացման համակարգ, որը եզակի է և չի կարող պատճենվել: Այն մարդկանց հնարավորություն կտա պաշտպանություն և վստահություն ձեռք բերել՝ ստուգելու, թե իրենք իրական ապրանքներ են գնում, թե ոչ:
Շքեղ ապրանքների դեպքում, որոնք շատ անգամ կարելի է գնել և վաճառել, GeBe Cert պլատֆորմը կհետևի յուրաքանչյուր գնորդին և էլ. նամակ կուղարկի բնօրինակ ընկերությանը` նրանց տեղեկացնելով, որ ապրանքը վաճառվել է մեկ այլ գնորդի: Սա ընկերությանը արժեքավոր տեղեկատվություն կտա վաճառված յուրաքանչյուր ապրանքի վերաբերյալ և ցույց կտա նաև, թե քանի անգամ է ապրանքը ձեռքից ձեռք անցել։ Ընկերությունը կարող է հետևել սպառողներին և ունենալ բոլոր գնորդների էլեկտրոնային հասցեները։
Հարթակի միջոցով հնարավոր է գտնել ապրանքի հասցեն և տեսնել, թե արդյո՞ք այն օրիգինալ է։
Կան բազմաթիվ սպառողներ, որոնք գնում են շքեղ ապրանքներ, բայց կորցնում են բնօրինակ սերտիֆիկացումը: Քանի որ GeBe Cert-ը թվային սերտիֆիկացում է, հնարավոր չէ կորցնել այն, քանի որ այն կապված կլինի սպառողների էլ. փոստի հետ:
viciniti-ն առաջարկում է հեշտությամբ օգտագործվող ենթակառուցվածքային ծրագիր, որն օգնում է արդյունաբերական կազմակերպություններին գործարկել հուսալի և անվտանգ կիրառական ծրագրեր:
«Մենք հավաքել ենք հատուկ անհատների մի խումբ, որոնք ընդլայնում են ամպային ծառայության գործառույթները, որպեսզի աշխարհը կարողանա ստեղծել և տեղակայել ծրագրեր ավանդական տվյալների շտեմարանից դուրս։
Օգտագործելով մեր ենթակառուցվածքային ծրագրակազմը, Edge սարքերը, որոնք ունեն տվյալների մշակման իրենց սեփական հնարավորությունները, կշարունակեն իրականացնել իրենց գործառույթների մեծ մասը տվյալների կենտրոնի կորցրած կապի դեպքում: Մենք տրամադրում ենք ծայրահեղ ցածր լատենտային հնարավորություններ, բայց նաև բարձր մատչելիություն և արագորեն որոշումների կայացում»,- նշում են ծրագրի հեղինակները։
Embry Tech-ն ապարատային + ծրագրային ապահովման միակ լուծումն է, որն ապահովում է 100% հետևողականություն քաշի հետևման հետ, ինչպես նաև բազմաթիվ այլ ֆիզիկական գործունեությունների հետևում՝ օգտագործելով միացված կոշիկներ և դրա նոր տեխնոլոգիան:
«Մենք համագործակցում ենք տարբեր կոշիկներ/ներդիրներ արտադրող ընկերությունների հետ` սարքավորումները տարածելու համար՝ օգտագործողներին ապահովելով իրենց սիրած կոշիկների ապրանքանիշերի լայն ընտրանի: Կարող եք մոռանալ ժամացույցը, ակտիվության տրեյկերը կամ ստուգել կշեռքը, բայց երբեք չեք մոռանա կոշիկներ հագնել:
15 տարվա ընթացքում կոշիկները կդառնան տվյալների առողջության կառավարման պլատֆորմ՝ ծառայելով երեխաների և մեծահասակների շրջանում՝ որպես ճարպակալման և շաքարախտի կանխարգելման գործիք: Ինչպես յուրաքանչյուր սմարթֆոնում կա ներկառուցված տեսախցիկ, այնպես էլ յուրաքանչյուր կոշիկ կունենա ներկառուցված Embry Tech»,- նշում են ծրագրի հեղինակները։
Այս ծրագիրը հնարավորություն է տալիս օգտատերերին դառնալ նոր ստեղծվող պատմության մի մասը։ Մասնակիցները խմբով գրում են նոր պատմություն՝ յուրաքանչյուրը ունենալով որևէ ներդրում պատմության ստեղծման մեջ։ Այսպիսով ստեղծագործել սիրող մարդիկ կարող են անգամ դառնալ բեսթսելլերի համահեղինակ, ինչպես նաև վաստակել գումար՝ կախված իրենց ներդրումից։
«Մենք բոլորս ծնվել ենք պատմությունների աշխարհում։ Պատմություններ, որոնք մեզ տանում են զարմանալի աշխարհներ, վտանգավոր ճանապարհորդություններ, առեղծվածներ: Մենք ճանապարհորդել ենք անթիվ ոլորտներում և իրողություններով: Եվ որքան որ մենք սիրում ենք գրքեր կարդալ, մենք նաև սիրում ենք լինել իրենց աշխարհի մի մասը, կրելով կերպարների կոշիկները՝ պատկերացնելով, թե որքան լավ կլիներ ապրել այնպիսի աշխարհում, ինչպիսին մենք կարդում ենք։
ForgeFiction-ը հարթակ է, որը ձեզ գործիքներ կտա՝ ստեղծագործող դառնալու համար՝ ձեր սեփական աշխարհների, ճանապարհորդությունների և հերոսների ստեղծողը: Բայց դուք դա մենակ չեք անի: Դուք և մյուսները, ովքեր կիսում են ձեր հետաքրքրությունները և գրելու ոգևորությունը, համագործակցում եք նոր տիեզերք ստեղծելու համար, որը կստեղծեք հիմքից և կշարունակեք զարգանալ: Ձեր զարմանահրաշ գաղափարները շնչելու են, և ուրիշների հետ աշխատելիս՝ դուք կստեղծեք բոլորովին նոր տիեզերքներ, որտեղ հնարավորությունները նույնքան անսահմանափակ են, որքան ձեր երևակայությունը: Եվ այս բոլոր գաղափարները՝ և՛ ձեր, և՛ ձեր հասակակիցների գաղափարները, կհավաքվեն պատմություն ստեղծելու համար»,- նշում են նախագծի հեղինակները։
Սիրարփի Աղաբաբյան
