Թուրքիան ընդլայնում է իր ներկայությունը Սիրիայի հյուսիսում
Թուրքիայի «Գազիանթեփի» համալսարանը 3 ֆակուլտետ է բացելու Սիրիայի հյուսիսային շրջաններում: Այս մասին տեղեկացնում ermenihaber.am-ը:
Թուրքիայի նախագահ Ռեջեփ Թայիփի Էրդողանի որոշմամբ` Գազիանթեփի համալսարանի տնօրինությունը Սիրիայի Ալ-Բաբ շրջանում բացելու է տնտեսագիտության և կառավարման ֆակուլտետ, Ազազի շրջանում իսլամագիտության ֆակուլտետ, իսկ Աֆրինում մանկավարժության ֆակուլտետ:
Հիշեցնենք, որ Սիրիայի հյուսիսում գտնվող Ալ-Բաբի, Ազազի և Աֆրինի շրջանները Թուրքիայի կողմից իրականացված «Եփրատի վահան» և «Ձիթենու ճյուղ» ռազմական գործողություններից հետո գտնվում են թուրքական բանակի և Անկարայի հովանավորությունը վայելող «Սիրիայի ազատ բանակ» անվանումով սիրիական հակակառավարական զինված խմբավորման վերահսկողության տակ:
