Մանչինին հրապարակել է Հայաստանի հետ խաղում Իտալիայի հավաքականի հայտացուցակը
Իտալիայի հավաքականի գլխավոր մարզիչ Ռոբերտո Մանչինին հրապարակել է Եվրո-2020-ի ընտրական փուլում Հայաստանի և Ֆինլանդիայի հավաքականների հետ առաջիկա խաղերի հայտացուցակը: Մանչինին հայտացուցակը հրապարակել է «Ինսթագրամ»-ի իր էջում:
Հայտացուցակում ներկայացված է դարպասապահ Դոնարուման, պաշտպաններ Բոնուչին, Կյելինին, կիսապաշտպան Վերատին, հարձակվողներ Ինսինյոն, Էլ Շարավին և մի շարք այլ առաջատար ֆուտբոլիստներ:
Հայաստան-Իտալիա հանդիպումը կկայանա սեպտեմբերի 5-ին, Երևանում, Վազգեն Սարգսյանի անվան Հանրապետական մարզադաշտում:
