Պատահար Երևանում

Օգոստոսի 29-ին, ժամը 19:04-ին «911» ծառայությունում ահազանգ է ստացվել, որ Երևանի Արզումանյան փողոցում տեղի է ունեցել ավտովթար։

Դեպքի վայր է մեկնել ԱԻՆ ՓԾ Երևանի փրկարարական վարչության հրշեջ-փրկարարական ջոկատից մեկ մարտական հաշվարկ:

Պարզվել է, որ բախվել են «Mercedes C300» (վարորդ՝ Աննա Մ. ծնված 1983թ.) և «Toyota Corolla» (վարորդ՝ Վաչագան Բ. ծնված 1981թ․) ավտոմեքենաները:

Շտապօգնության աշխատակիցները «Mercedes C300» մակնիշի ավտոմեքենայի վարորդին տեղում ցուցաբերել են առաջին բուժօգնություն։

Փրկարարները փակել են «Toyota Corolla» ավտոմեքենայի գազի բալոնի փականը։