Սամվել Կարապետյանը ներկա կգտնվի «Ֆ91 Դյուդելանժ»-«Արարատ-Արմենիա» հանդիպմանը
Հայաստանի գործող չեմպիոն «Արարատ-Արմենիա» ֆուտբոլային ակումբի սեփականատեր Սամվել Կարապետյանը ներկա կգտնվի Եվրոպա լիգայի որակավորման փլեյ-օֆ փուլի «Ֆ91 Դյուդելանժ»-«Արարատ-Արմենիա» պատասխան հանդիպմանը: Հանդիպումը կկայանա օգոստոսի 29-ին, Լյուքսեմբուրգում:
Ֆուտբոլային ակումբի երկրպագուները խաղից առաջ Լյուքսեմբուրգում երթ կիրականացնեն դեպի մարզադաշտ, իսկ Երևանում ստեղծվել են երկրպագուների համար նախատեսված վայրեր՝ բացօթյա դիտման համար:
Ֆուտբոլի Եվրոպայի լիգայի որակավորման փլեյ-օֆ-ի «Արարատ-Արմենիա»-«Ֆ91 Դյուդելանժ» ֆուտբոլային դիմակայության առաջին հանդիպումը Երևանում ավարտվեց 2։1 հաշվով՝ հայկական թիմի հաղթանակով։ Թիմերի միջև պատասխան հանդիպումը կկայանա օգոստոսի 29-ին Լյուքսեմբուրգում: Դիմակայության արդյունքում հաղթողը կստանա Եվրոպա լիգայի խմբային փուլի ուղեգիր:
