Նաթանյահուն կարգադրել է 300 տուն կառուցել Հորդանան գետի Արեւմտյան ափի բնակավայրում
Իսրայելի վարչապետ Բենիամին Նաթանյահուն օգոստոսի 26-ին կարգադրել 1 300 միավոր բնակարանի համար նոր շրջան ստեղծել Հորդանան գետի Արեւմտյան ափի Դոլեւ հրեական բնակավայրում, որտեղ օգոստոսի 23-ին պաղեստինցի արմատականների կողմից նետված ինքնաշեն պայթուցիկ սարքի պայթելու հետեւանքով զոհվել է մի իսրայելուհի: Այս մասին հայտնել է նախարարների կաբինետի ղեկավարի գրասենյակը:
«Վարչապետ Բենիամին Նաթանյահուն այսօր առավոտյան (2019 թվականի օգոստոսի 26-ին) վարչապետի գրասենյակի գլխավոր տնօրենին հանձնարարել Է պլանավորման հանձնաժողովի հաջորդ նիստի հաստատմանը ներկայացնել 300 միավոր բնակարանի համար Դոլեւ բնակավայրում նոր շրջան ստեղծելու նախագիծը»,-ասված է հաղորդագրության մեջ:
«Մենք կամրապնդենք մեր արմատները եւ կհարվածենք մեր թշնամիներին: Մենք կշարունակենք ամրապնդել ու զարգացնել բնակավայրերը»,-հայտարարել է վարչապետը:
Հորդանան գետի Արեւմտյան ափի բնակեցման Իսրայելի շարունակվող ակտիվությունը հիմնական խոչընդոտներից մեկն է համարվում ձգձգվող պաղեստինա-իսրայելական հակամարտության կարգավորման ճանապարհին:
2016 թվականի վերջին ՄԱԿ-ի Անվտանգության խորհուրդն ընդունել է 2334 բանաձեւը, որով հրեական պետությունից պահանջվում է անհապաղ դադարեցնել այն: Մինչդեռ Իսրայելը նույն այդ ժամանակ հայտարարեց, որ մտադիր չէ կատարել ՄԱԿ-ի ԱԽ-ի փաստաթղթի դրույթները, հաղորդել է ՏԱՍՍ գործակալությունը:
